بەنداوێکی دیکە لە دهۆک تەواو دەکرێت و شەش ملیۆن مەتر سێجا ئاو گل دەداتەوە
![](https://usercontent.one/wp/www.krgaustralia.net/wp-content/uploads/2023/06/localimages/photo_2023-06-06_11-44-28.jpg?media=1678916050?anchor=center&mode=crop&width=1200&height=630&rnd=133305156510000000)
پرۆژەى بەنداوی “گەلیی بەنداوا” لە قەزاى سێمێل دەستی بە کار کردەوە و وەکوو دووەم بەنداوی بچووک لە سنوورى پارێزگاى دهۆک تەواو دەکرێت.
فەرهاد محەممەد، بەڕێوەبەری بەنداوەکانی پارێزگای دهۆک، لەبارەی پڕۆژەکەوە بە فەرمانگەى میدیا و زانیارى ڕاگەیاند: “ئەم پڕۆژەیە لە دواى بەنداوى خنس لە دهۆک، بە گوژمەى ٧ ملیار دینار لەسەر بودجەى حکومەتی هەرێمی کوردستان تەواو دەکرێت”.
بەڕێوەبەری بەنداوەکانی پارێزگای دهۆک، ئەوەشی گوت: “کارکردن لە بەنداوەکە لە ساڵی ٢٠١٥ەوە وەستابوو کە نزیکەى ٣٧%ى تەواو بووە. ئێستا بەنداوەکە لەلایەن فەرمانگەى ئەندازەى پڕۆژە و بەڕێوەبەرایەتیی بەنداوی دهۆک کارى لەسەر دەکرێت؛ بە تەواوبوونیشی نزیکەى ٦ ملیۆن مەتر سێجا ئاو لەخۆى دەگرێت”.
فەرمانگەی میدیا و زانیاری