بە فەرمانی سەرۆکی حکومەت ناحیەی خەلیفان کرا بە قەزا و گوندی سرێشمە کرا بە ناحیە
![](https://usercontent.one/wp/www.krgaustralia.net/wp-content/uploads/2023/08/localimages/untitled-wwww.jpg64d7ed9366535.jpg?center=0.49367088607594939%2C0.49367088607594939&media=1678916050&mode=crop&width=1200&height=630&rnd=133313978320000000)
لە درێژەی ھەنگاوەکانی کابینەی نۆیەمی حکومەتی ھەرێمی کوردستان بۆ بە ناحیەکردن و قەزاکردنی شارەکانی ھەرێمی کوردستان، لە پێناو بەرژەوەندی گشتی و کارئاسانی و پێویستی بۆ ڕاپەراندنی کاروباری ھاووڵاتیان و شۆڕکردنەوەی دەسەڵاتەکان، بە فەرمانی مەسرور بارزانی، سەرۆکی حکومەتی ھەرێمی کوردستان، ناحیەی خەلیفان کرا بە قەزا و گوندی سرێشمە کرا بە ناحیە لە سنوری ئیدارەی سەربەخۆی سۆران، ئەم فەرمانە لە ڕێککەوتی دەرچوونییەوە جێبەجێ دەکرێت.