ڕوونکردنەوەیەک لە نووسینگەی ڕاگەیاندنی سەرۆکی حکومەتی هەرێمی کوردستانەوە
![](https://usercontent.one/wp/www.krgaustralia.net/wp-content/uploads/2024/02/localimages/untitled-wwww.jpg65c92f2ec5b2b.jpg?center=0.49367088607594939%2C0.49367088607594939&media=1678916050&mode=crop&width=1200&height=630&rnd=133433190230000000)
هەندێک ماڵپەر و پەیجی ناوخۆی سۆشیال میدیا، بە بڵاوکردنەوەی هەندێک لێدوان و لێکدانەوەی نەگونجاو و دوور لە ڕاستییەکانی کایەی سیاسی و ئەمنیی دەڤەرەکە، هەوڵیان داوە بۆچوون و لێدوانەکانی بەڕێز سەرۆکی حکومەتی هەرێمی کوردستان لە میانەی دوا چاوپێکەوتنیدا لەگەل کەناڵی (NBC) بە لاڕێدا ببەن.
سەرۆکی حکومەت پێداگری لە پاراستنی قەوارەی دەستووریی هەرێمی کوردستان کردووە و بەردەوامیش دەبین لە گرتنەبەری هەموو ڕێکارێک بۆ دوورخستنەوەی مەترسییەکان لەسەر هەرێمی کوردستان.
خۆدزینەوە و خۆگێلکردن بەرانبەر بە ناحەزان، هیچ لە مەترسی و هەڕەشەکان کەم ناکاتەوە، بۆیە پێویستە هەموو لایەک لە ئاستی بەرپرسیارییەتیدا بن بەرانبەر بە خاک و خەڵکی هەرێمی کوردستان.
نووسینگەی ڕاگەیاندنی
سەرۆکی حکومەتی هەرێمی کوردستان
2024/2/10