بە گوژمەی نزیکەی ٤٠٠ ملیۆن دینار بەشێکی دیکەی شەقامەکانی خەلیفان قیرتاو کران
![](https://usercontent.one/wp/www.krgaustralia.net/wp-content/uploads/2024/01/localimages/img_1261.png?media=1678916050?anchor=center&mode=crop&width=1200&height=630&rnd=133481467010000000)
بە بڕی زیاتر لە ٣٩٧ ملیۆن دینار، کۆڵان و شەقامەکانی گەڕەکی شەهیدان، لە قەزای خەلیفان قیرتاو و کۆنکرێت کران.
میدیا ئیسماعیل، ئەندازیاری پرۆژەکە، بە فەرمانگەی میدیا و زانیاریی ڕاگەیاند: “پرۆژەی قیرتاوکردن و کۆنکرێتکردنی شەقامەکانی گەڕەکی شەهیدان لە خەلیفان، لە قۆناغی کۆتاییدایە، کە بە گوژمەی ٣٩٧ ملیۆن و ٢٧٥ هەزار دینار جێبەجێ کراوە”.
بەشێک لە هاووڵاتییانی ناوچەکە، لەبارەی پرۆژەکەوە دڵخۆشیی خۆیان بۆ فەرمانگەی میدیا و زانیاری دەربڕیوە و پێیان وایە پرۆژەکە خزمەتێکی باش بە هاتوچۆی هاووڵاتییان دەکات.
کابینەی نۆیەم، لە چوار ساڵی پێشووی خۆیدا، تەنیا لە بوارى ڕێگە و گواستنەوەدا زیاتر لە ٩٩٧ پڕۆژە و لە بواری ژێرخان و خزمەتگوزارییش زیاتر لە ٤٢٧ پرۆژەی لە هەرێمی کوردستان جێبەجێ کردووە.
سەرباری بەردەوامیی قەیرانی دارایی، پرۆژەکانی ئاوەدانکردنەوەی شار و شارۆچکەکان بەردەوام بووە و بۆ ئەو مەبەستەش هەوڵەکانی کابینەی نۆیەم بەردەوام دەبن.
فەرمانگەی میدیا و زانیاری