2500 دۆنم زەوی لە ئیدارەی سەربەخۆی گەرمیان بە برنج داچێنراوە
![](https://usercontent.one/wp/www.krgaustralia.net/wp-content/uploads/2024/07/localimages/whatsapp-image-2024-07-14-at-143637_36d83084.jpg66982d7850667.jpg?media=1678916050?anchor=center&mode=crop&width=1200&height=630&rnd=133654306790000000)
لەم وەرزەی چاندنی برنج؛ جوتیارانی ناوچەی گەرمیان ٢٥٠٠ دۆنم زەوییان بە برنج داچاندووە و چاوەڕێ دەکرێت ١٤٠٠ تۆن برنج بەرهەم بێت.
ستار عەلی، گوتەبێژی کشتوکاڵی گەرمیان، بە فەرمانگەی میدیا و زانیاری گوت: “جوتیاران زیاتر لە ٢٥٠٠ دۆنم زەوییان بە مەرەزە چاندووە، لە تێکڕای هەر دۆنم زەوییەک، زیاتر لە ٧٠٠ کیلۆ برنجمان دەست دەکەوێت”.
عەبدوڵڵا محەمەد، جوتیارێکی ناوچەی گەرمیانە و دەڵێت: “پاڵپشتییەکانی حکومەت بۆ کەرتی کشتوکاڵ و زۆریی ئاوی ئەمساڵ، وای کردووە دەست بە چاندنی مەرەزە بکەین، باشیی بەرهەمەکە دەبێتە هۆی ئەوەی لە هەموو شار و ناوچەکاندا بفرۆشرێت”.
سەرباری قەیرانە دارایی و ئابوورییەکان، پاڵپشتییەکانی کابینەی نۆیەمی حکومەتی هەرێمی کوردستان بۆ کەرتی کشتوکاڵ بەردەوامە و بەرهەمە ناوخۆییەکانی بەرەو زیادبوون بردووە؛ وای کردووە بەبازاڕکردنی بەرهەمەکانی جوتیاران خێراتر بێت.
لە ساڵی ٢٠٢٣ بەرهەمی برنج، گەیشتبووە ١٧ هەزار و ٤٢٨ تۆن؛ لەو بڕە ٢٣ هەزار تۆن هەناردەی دەرەوەی وڵات کراوە.
فەرمانگەی میدیا و زانیاری