کۆنفرانسی زیادکردنی بەرهەمی ئاژەڵداری و پەلەوەر، دوور لە بەکارهێنانی ماددە کیمیاییەکان بەڕێوە چوو
![](https://usercontent.one/wp/www.krgaustralia.net/wp-content/uploads/2024/07/localimages/img-20240710-wa0006.jpg?media=1678916050?anchor=center&mode=crop&width=1200&height=630&rnd=133651055280000000)
ئەمڕۆ چوارشەممە (١٠ ی تەمموزی ٢٠٢٤),، کۆنفرانسی گرنگیدان بە زیادکردنی بەرهەمی ئاژەڵداری و پەلەوەر، دوور لە بەکارهێنانی ماددە کیمیاییەکان، لە شاری هەولێر بەڕێوە چوو.
ئامانجی کۆنفراسەکە دوورکەوتنەوەیە لە ماددە کیمیاییەکان؛ دژەهەوکردن ببێتە جێگرەوەیان، بە بەکارهێنانی ماددەی ڕوەکی بۆ ئاژەڵ و پەلەوەرەکان، بۆ پاراستنی ژینگە.
زوبێر واحید، خاوەنکارە و بە فەرمانگەی میدیا و زانیاری گوت: ” تازەترین شێوازی تەکنەلۆجیا لەم بوارەدا بۆ پاراستنی ژینگە بەکار دەهێنین، دوور لە بەکارهێنانی ماددە کیمیاییەکان”.
ئامانجێکی دیکەی کۆنفرانسەکە، زیادکردنی بەرهەمە بە قازانجێکی زیاتر و تەندروستییەکی باشتر.
کابینەی نۆیەمی حکومەتی هەرێمی کوردستان، ئامانجی بەرەوپێشبردنی کەرتی کشتوکاڵە بە هەموو بەشەکانییەوە، هەروەها زیادکردنی بەرهەمی ناوخۆیی و ڕەخساندنی هەلی کار.
فەرمانگەی میدیا و زانیاری