ڕێپێدانی دابەش دوو لە سەر زەوییەکانی کەرتی 8 ی حەسارۆکان کەوتە بواری جێبەجێکردنەوە
![](https://usercontent.one/wp/www.krgaustralia.net/wp-content/uploads/2024/07/localimages/img-20240717-wa0023.jpg?crop=0%2C0%2C0%2C0.21359223300970878&media=1678916050&cropmode=percentage&width=1200&height=630&rnd=133657184380000000)
دوای ڕەزامەندی و بڕیاری مەسرور بارزانی، سەرۆکی حکومەتی هەرێمی کوردستان و راسپاردنی وەزیری شارەوانی و پارێزگاری هەولێر، بڕیاری دابەش دوو لەسەر زەوییەکانی کەرتی ٨ ی حەسارۆکان کەوتە بواری جێبەجێکردنەوە.
ئومێد خۆشناو، پارێزگاری هەولێر ڕایگەیاندووە: “لەپێناو خزمەتکردنی هاونیشتیمانیان و بنیاتنانی ئاوەدانیی زیاتر و بەرژەوەندیی گشتی و هاووڵاتییانی کەمدەرامەت، لە کۆبوونەوەی ئەنجومەنی شارەوانیی هەولێر و لە دانیشتنی ژمارە ٢٣ ـی ئەنجومەن، بە بڕیاری ژمارە ١٨٢ لە ڕێکەوتی ١٥ ی ٧ ی ٢٠٢٤، ڕێپێدانی دابەش دوو لە سەر زەوییەکانی کەرتی ٨ ی حەسارۆکان کەوتە بواری جێبەجێکردنەوە”.
جێی باسە خاوەنزەوییەکانی کەرتی ٨ ی حەسارۆکی شاری هەولێر، خواستێکی زۆریان بۆ ڕێپێدانی دروستکردنی خانوو بەسەر دوو بەشی زەوییەکانیاندا هەبوو؛ ئەم خواستەش بە ڕەچاوکردنی مەرجە ئەندازەیی و شارسازییەکان، لەلایەن کابینەی نۆیەمەوە بڕیاری لێ درا.
فەرمانگەی میدیا و زانیاری