ناوی 12 هەزار و 286 یەکەمی زانکۆکان، بۆ دامەزراندن ڕەوانەی وەزارەتی دارایی کرا
![](https://usercontent.one/wp/www.krgaustralia.net/wp-content/uploads/2024/07/localimages/-D9-88-DB-95-D8-B2-D8-A7-D8-B1-DB-95-D8-AA-DB-8C_-D8-AE-D9-88-DB-8E-D9-86-D8-AF-D9-86-DB-8C_-D8-A8-D8-A7-DA-B5-D8-A7_-D9-88_-D8-AA-D9-88-DB-8E-DA-98-DB-8C-D9-86-DB-95-D9-88-DB-95-DB-8C_-D8-B2-D8-A7-D9-86-D8-B3-D8-AA-DB-8C-1400.jpg?media=1678916050?anchor=center&mode=crop&width=1200&height=630&rnd=133141837970000000)
ناوی یەکەمەکانی دەرچووی زانکۆ حکومییەکانی هەرێمی کوردستان، بۆ ساڵی دەرچوونی ٢٠١٧-٢٠١٨ تاکوو ٢٠٢٢-٢٠٢٣، لەلایەن وەزارەتی خوێندنی باڵاوە، بە مەبەستی دامەزراندن بۆ وەزارەتی دارایی بەرز کرایەوە.
ژمارەی یەکەمەکان کە دادەمەزرێن، ١٢ هەزار و ٢٨٦ دەرچووە؛ وەزارەتی خوێندنی باڵاش داوای لە وەزارەتی دارایی کردووە، پلەی وەزیفی و تەرخانی داراییان بۆ دابین بکرێت و لە کەرتی گشتیدا دەست بە خزمەت بکەن.
بە هۆی قەیرانی سەپێنراوی داراییەوە، چەند ساڵێکە پرۆسەی دامەزراندنی یەکەمەکانی زانکۆ و پەیمانگە حکومییەکان سست بووە؛ لەگەڵ ئەوەشدا حکومەتی هەرێمی کوردستان ڕایگەیاندووە: بە ڕژدی کار بۆ دامەزراندنی یەکەمەکان دەکات و ئەو توانا مرۆییە بۆ وڵات، بە گرنگ سەیر دەکات.
فەرمانگەی میدیا و زانیاری