سەرۆکی حکومەت لەگەڵ پارێزگار و قائیمقامەکانی پارێزگای سلێمانی کۆبووەوە
![](https://usercontent.one/wp/www.krgaustralia.net/wp-content/uploads/2024/06/localimages/img_20240630_164009_202.jpg?media=1678916050?anchor=center&mode=crop&width=1200&height=630&rnd=133642284820000000)
ئەمڕۆ یەکشەممە 6/30 کاتژمێر 11:00 مەسرور بارزانی سەرۆکی حکومەتی هەرێمی کوردستان، لە شاری سلێمانی ، سەردانی باڵاخانەی پارێزگای سلێمانی کرد و لەلایەن هەڤاڵ ئەبوبەکر پارێزگاری سلێمانی پێشوازی لێکرا.
لە کۆبوونەوەیەکدا کە ڕێبەر ئەحمەد وەزیری ناوخۆ و جێگرەکانی پارێزگا و قائیمقامەکانی سنووری پارێزگای سلێمانی ئامادەی بوون،
پارێزگاری سلێمانی، وێڕای بەخێرهێنانی سەرۆکی حکومەت ، ڕاپۆرتێکی لەبارەی کار و چالاکیی و پڕۆژە و کێشە و گرفتەکانی سنووری پارێزگای سلێمانی خستەڕوو.
سەرۆکی حکومەت ئاماژەی بەوە دا کە ئەرکی حکومەتی هەرێمی کوردستانە بێ جیاوازی خزمەتی هەموو هاووڵاتییان و شارو ناوچەکانی هەرێم بکات.
سەرۆکی حکومەت دووپاتیکردەوە کە هەرچی لە تواناماندا بێت دەیکەین بۆ خزمەتکردنی زیاتری خەڵکی خۆشەویستی سلێمانی و باشترکردنی خزمەتگوزارییە گشتییەکان لەم پارێزگایە .
سەرۆکی حکومەت هەروەها سوپاسی کەرتی تایبەتی کرد کە هاوکار و یارمەتیدەر و پشتیوانیی کارنامەی حکومەت بوون لە بواری بنیاتنانی ژێرخانێکی ئابووری بەهێز لە هەرێمی کوردستان.