ئەنجومەنی وەزیران كۆبوونەوەی ئاساییی خۆی دەكات
![](https://usercontent.one/wp/www.krgaustralia.net/wp-content/uploads/2024/06/localimages/untitled-wwww.jpg667be57d12c57.jpg?center=0.49367088607594939%2C0.49367088607594939&media=1678916050&mode=crop&width=1200&height=630&rnd=133433190230000000)
ئەمڕۆ چوارشەممە، (26 ی حوزەیرانی 2024)، ئەنجومەنی وەزیرانی هەرێمی كوردستان، بە سەرپەرشتیی مەسرور بارزانی، سەرۆكی حكومەتی هەرێمی كوردستان و ئامادەبوونی قوباد تاڵەبانی، جێگری سەرۆكی حكومەت، كۆبوونەوەی ئاساییی خۆی دەكات و سێ بڕگە گفتوگۆ دەكات.
لە بڕگەی یەكەمدا، ڕەوشی كارەبا لە وەرزی گەرمادا و هەوڵەكانی وەزارەتی كارەبا بۆ باشتركردنی خزمەتگوزاریی كارەبا تاووتوێ دەكرێت.
لە بڕگەی دووەمدا، ڕاپۆرتی وەزارەتی ئەوقاف و كاروباری ئایینی، سەبارەت بە ڕەوشی بەڕێوەچوونی مەراسیمی ئەمساڵی حەج و ڕێكارەكانی وەزارەت سەبارەت بە حاجیانی هەرێم و گیانلەدەستانی ژمارەیەك لە حاجیانی هەرێمی كوردستان گفتوگۆ دەكرێت.
لە بڕگەی سێیەمی كۆبوونەوەكەدا، پرسەكانی پەیوەندیدار بە مووچەی هەرێمی كوردستان و ڕێكاری جێبەجێكردنی پابەندییەكان بەرامبەر حكومەتی فیدراڵی، تاووتوێ دەكرێت.
فەرمانگەی میدیا و زانیاری