زیاتر لە 3 ملیار دینار بۆ جێبەجێ کردنی چەند پرۆژەیەک لە پارێزگای دهۆک تەرخان دەکرێت
![](https://usercontent.one/wp/www.krgaustralia.net/wp-content/uploads/2023/07/localimages/img_0189.jpeg?media=1678916050?anchor=center&mode=crop&width=1200&height=630&rnd=133349150520000000)
لە چوارچێوەی جێبەجێکردنی کارنامەی کابینەی نۆیەمی حکومەتی هەرێمی کوردستان و لە پێناو دابینکردنی خزمەتگوزاری زیاتر بۆ هاووڵاتییان لە تەواوی ناوچە جیاوازەکانی هەرێمی کوردستان، مەسرور بارزانی، سەرۆکی حکومەتی هەرێمی کوردستان ڕەزامەندی لەسەر تەرخان و خەرجکردنی گوژمەی 3 ملیار و 11 ملیۆن دینار دا، بەمەبەستی دروست کردنی چەند پڕۆژەیەکی ئاو لە پارێزگای دهۆک.
پرۆژەکانیش بریتین لە پرۆژەی ئاوی دهۆک، پرۆژەی ئاوی دەوروبەری دهۆک و پرۆژەی ئاوی ئاکرێ.
فەرمانگەی میدیا و زانیاری